تعرف على الكلية التقنية الأدارية واقسامها ومعدلاتها وموقعها | للطلاب الي معدلهم 60 او قليل

#هام_جدآ|| منشور صح متأخر بس مهم جدآ لمعدلات ال60، في الصباحي

وبرأي اشوفه افضل من تخصصات(الاداب،التربية،ومن باقي التخصصات الإنسانية بأستثناء(الانكليزي،والقانون) للمعدلات الضعيفة 

معدلك ب60 و حاير شتقدم😉 و دايخ لان ماكو كلية زينة اليوم جبنالكم الحل

الطلاب الي معدلاتهم ب60 عدنا الكم كلية مضبوطة من ناحية التخصص و التعيين 

هاي الكلية تشبه الادارة والاقتصاد بس معدلاتها أقل و حسب كلام بعض الأساتذة أنه الطلب بالتعيين عليها اكثر...

المهم 

هسة نعرفكم عالكلية 

اسم الكلية ( الكلية التقنية الادارية )

الشهادة - بكلوريوس 

توجد الكلية في ( بغداد، البصرة، الموصل ، النجف، ذي قار )

نجي على أقسام الكلية 

1- تقنيات المالية و المحاسبية

هذا القسم بالظبط نفس المحاسبة بكلية و الإدارة والاقتصاد

   تخصص مصارف و دوائر الدولة 

يعني هذا القسم شغلته ماشية و بكل دوائر الدولة مطلوب

2- القسم الثاني هو تقنيات المعلوماتية ( المعلومات )

هذا القسم تفليش مسؤولين عن الاتصالات مال المكان الي يشتغلون بي و الانترنيت الداخلي والخارجي مثلا

الجدير بالاهتمام هذا القسم ان لازم الشخص يبقى يطور بنفسة

فتخصصه مطلوب و أنصحكم بي 

و بنظري هو افضل قسم بالكلية☺

يقبل خريجي الفرع التطبيقي فقط

و موجود بكليات ( بغداد و الموصل و النجف )

3- قسم تقنيات إدارة اعمال 

هذا بالضبط نفس قسم ادارة الاعمال بكلية الإدارة والاقتصاد 

و تخصص لا بأس به و مطلوب بكل الدوائر 

و يقبل تطبيقي و ادبي وتجارة  

و موجود بكل الكليات المذكورة اعلاه باستثناء (ذي قار )

4- قسم ادارة الجودة الشاملة 

5- المصاريف و التمويل 

ويقبلن التطبيقي و الادبي.

معدلات الكلية الادارية حسب العام الماضي: 

جامعة الفرات الاوسط/الكوفة 61 ادبي/ 60تطبيقي

الجامعة التقنية الوسطى/بغداد-الرصافة 67ادبي/ 62تطبيقي .

الجامعة التقنية الشمالية/الموصل فقط تطبيقي 60.

الجامعة التقنية الجنوبية/البصرة64ادبي/ 67تطبيقي.

الناصرية 60ادبي/65تطبيقي.

الاسم الكامل عند التقديم ( الجامعة التقنية... الكلية التقنية الادارية)


الكلية التقنية الادارية كوفة , الكلية التقنية الادارية بغداد , الكلية التقنية الادارية بغداد باب المعظم , الكلية التقنية الادارية بصرة , الكلية التقنية الادارية البصرة , الكلية التقنية الادارية بغداد قسم المعلوماتية , الكلية التقنية الادارية في البصرة , التقنية الادارية بغداد,الكلية التقنية الادارية بغداد , كلية التقنية الادارية , الكلية التقنية الادارية , الكلية التقنية الادارية كوفة , الكلية التقنية الادارية بصرة , قسم التقنية الادارية , كلية التقنية الادارية باب المعظم , حفلة الكلية التقنية الادارية 2019 , تخصص التقنية الادارية