#هام_جداً وزارة التعليم العالي تطلق استمارة النقل بين الجامعات العراقية للعام الدراسي (2018-2019)
#توضيح_هام_جدآ || اليوم وزارة التعليم أصدرت ضوابط الانتقال بين الجامعات وكان هناك شروط مجحفة،وفرضت أجور يدفعها الطالب بنصف قيمة أجور الموازي للكلية ويجب أن يكون حاصل على تقدير"جيد" في حال رغبته بالعودة إلى محافظته!!
بس مع ذلك هناك حالات قاهرة هذه الفقرة غير مشمولين بيها،
الحالات هي في الصورة أدناه مثل ذوي الشهداء والجرحى والمرضى وغيرهم،
(الصورة أدناه تؤكد أن الحالات مامشمولة في النقطة(18) والتي تنص على تقدير الطالب ودفعه للأجور)
● بأمكان أي طالب الحصول على تقرير من أي طبيب،بأنه مصاب باحدى الأمراض التي تمنعه من سكن في الأقسام الداخلية.وبذلك يعفى من هذه الشروط.
أذا هذا المنشور هو بشرى او تهنئة للنفوس حيث أن العديد من الطلبه سيعفون من الأجور.
وكما يجب على وزارة التعليم اعادة النظر بهذا القرار المجحف بحق الطلبه والذي وصف بالاستغلال المادي لحق من حقوق الطلبة.
هآآم ||
طبعاً كلكم شفتو القرار الي يخص النقل
بهاي الفترة حنفهمكم بكلشي يخص النقل
بالتفصيل ونكون وياكم خطوة بخطوة
الشي الشاغل بال الطلاب
شلون اعرف تقديري شكد ؟!
فلازم قبل كلشي تعرف شغلتين الي هن
⭕ التقديرات ، وحدات المواد ⭕
نجي على
#التقديرات//
اول شي كلكم تعرفون النتائج من ينطوها تنطي بشكل تقدير مو درجات 😕
فلازم تعرفون التقديرات والدرجات المقابلة الها
مقبول = من 50 _ 59
متوسط = من 60 _ 69
جيد = من 70 الى 79
جيد جداً = من 80 الى 89
امتياز = من 90 الى 100
هذا الشي الاول الي لازم تعرفوه
فالمطلوب منك كشغلة اولية تسويها
تطلع تقديراتك وتخمن الهن درجات
مثلاً بمادة معينة تقديرك بيها جيد
تجي تخمن درجتك بيها ولازم تكون من 70 الى 79 وتسوي لكل المواد هيج وتسجل درجاتك يمك لان حتحتاجهن بعد شوي
هذا ما يخص التقديرات
#الوحدات //
كل مادة عليها وحدات معينه هذي الوحدات تميز مادة عن مادة من حيث الاهمية مالتها
مثلاً انت طالب
معهد طبي // قسم تخدير
مادة الحقوق انتو تدرسوها ومادة التخدير ايضاً تدرسوها
بس هل ان مادة التخدير نفس اهمية مادة الحقوق ؟
اكيد لا التخدير عليه وحدات اكثر من الحقوق لان هو اهم ومادة اساسية
فكل المواد بالكلية او المعهد الهن وحدات شكل وكل مادة وحداتها تختلف عن الاخرى !
فيُفضل تتاكدون من كليتكم او معهدكم او طلاب المراحل الاخرى من نفس قسمكم لان عدهم علم بهلشي
فأني راح آخذ اختصاصي الي هو
طب اسنان / جامعة الموصل
واشرح عليها
هسة المواد العدنه هي
كيمياء ، تشريح ، فيزياء ، بايو ، حاسوب ، حقوق ، انكليزي
الكيميا = 8 وحدات
البايو = 6 وحدات
الفيزياء = 6 وحدات
الحاسوب = 4 وحدات
التشريح = 4 وحدات
الحقوق = 1 وحدات
الانكليزي = صفر وحدات
⭕ اي مادة وحداتها صفر تُهمل ولا تدخل في العمليات الحسابية
هنا شنو تسوي ؟
هنا انت مخمن تقديراتك ومسجلهن بورقة يمك
وكذلك الوحدات ملاتك انت اصلاً تعرفهن
او جبتهن من الكلية او المعهد مالتك
فتجي على كل مادة تضربها بالوحدات مالتها
مثلاً تقديري بالكيمياء هو ( مقبول )
فأجي اخمن على ان يكون التخمين من 50 الى 59 لان تقديري مقبول !
هنا يبقى حسب سعيك الي دخلت بيه للفاينل وتوقعك لدرجتك بالامتحان النهائي
فأني مثلاً اكدر اكول الكيمياء درجتي بيها 55 فهنا اجي اضربها في 8
55×88=440
وتستمر لبقية المواد
الفيزياء مثلاً تقديري متوسط فأخمن درجتي بيها 67 واحي اضربها في 6 لان وحداتها 6
67×6=402
اكمل كل المواد على هلشغلة واجمع النواتج الي تطلع الي وافسمها على الوحدات وتطلع درحتي الي تمثل التقدير
الكيمياء
55×8=440
الفيزياء
67×6=402
البايو
70×6=420
التشريح
85×4=340
الحاسوب
75×4=300
الحقوق
90×1=90
الانكليزي
85×0=0
وما يدخل بالعمليات الحسابية اصلاً فالمادة الوحداتها صفر اهملوها
نجي نجمع النواتج
440+402+420+340+300+90 =1992
تعال النوب اجمع الوحدات
8+6+6+4+4+1=29
قسم مجموع ناتج الضرب على الوحدات
1992/29 = 68
طلع معدلي النهائي تقريباً 68 وبهذا يكون تقدير متوسط حسب درجاتي و وحدات المواد
ملاحظه الأمثلة للتوضيح فقط
تعليقات
إرسال تعليق